เวเทตีติ ฯ ภาสิตํ เจตํ มหาราช ภควตา โส เอกํ เวทนํ เวเทติ กายิกํ น
เจตสิกนฺติ ฯ ภนฺเต นาคเสน โย โส ทุกฺขเวทนํ น เวเทติ กสฺมา โส น
ปรินิพฺพายตีติ ฯ เถโร อาห น หิสฺส มหาราช อรหโต อตฺถิ อนุนโย วา ปฏีฆํ
วา น จ อรหนฺโต อปกฺกํ ปาเตนฺติ ปริปากํ อาคเมนฺติ ปณฺฑิตา ฯ ภาสิตํ เจตํ
มหาราช เถเรน สาริปุตฺเตน ธมฺมเสนาปตินา
นาภินนฺทามิ มรณํ นาภินนฺทามิ ชีวิตํ
กาลญฺจ ปฏิกงฺขามิ เวตฺตนํ ภติโก ยถา
นาภินฺนทามิ มรณํ นาภินนฺทามิ ชีวิตํ
กาลญฺจ ปฏิกงฺขามิ สมฺปชาโน ปฏิสฺสโตติ ฯ
กลฺโลสิ ภนฺเต นาคเสนาติ ฯ

ปรินิพฺพานปญฺโห จตุตฺโถ ฯ

ราชา อาห ภนฺเต นาคเสน สุขา เวทนา กุสลา วา อกุสลา วา อพฺยากตา
วาติ ฯ เถโร อาห สิยา กุสลา สิยา อกุสลา สิยา อพฺยากตาติ ฯ ราชา อาห
ยทิ กุสลา น ทุกฺขา ทุกฺขา น กุสลา สุขํ กุสลํ ทุกฺชนฺติ น อุปฺปชฺชตีติ ฯ
ตํ กึ มญฺญสิ มหาราช อิธ ปุริสสฺส เอกหตฺเถ ตตฺตํ อโยคุฬํ นิกฺขิเปยฺย ทุติยสฺมึปิ
หตฺเถ สีตํ หิมปิณฺฑํ นิกฺขิเปยฺย กินฺนุโข มหาราช อุโภปิ ทเหยฺยุนฺติ ฯ อาม ภนฺเต
อุโภปิ ทเหยฺยุนฺติ ฯ กึ ปน เต มหาราช อุโภปิ อุณฺหาติ ฯ น หิ ภนฺเตติ ฯ
กึ ปน มหาราช อุโภปิ สีตลาติ ฯ น หิ ภนฺเตติ ฯ มหาราช อาชานาหิ นิคฺคหํ
ยทิ ตตฺตํ ทหติ อุโภปิ ทหนฺติ น จ เต อุโภ อุณฺหา เตน น อุปฺปชฺชติ ยทิ
สีตลํปิ ทหติ อุโภปิ ทหนฺติ น จ เต อุโภปิ สีตลา เตน น อุปฺปชฺชติ ฯ กิสฺส
ปน เต มหาราช อุโภปิ ทหนฺติ น จ เต อุโภติ อุณฺหา น จ เต อุโภปิ สีตลา
เอกํ อุณฺหํ เอกํ สีตลํ อุโภปิ ฑยฺหนฺติ เตน น อุปฺปชฺชตีติ ฯ นาหํ ปฏิพโล ตยา
วาทินา สทฺธึ สมุลฺลปิตุํ สาธุ อตฺถํ ชปฺเปหีติ ฯ ตโต เถโร อภิธมฺมสํยุตฺตาย กถาย
มิลินฺทํ ราชานํ สญฺญาเปสิ ณ อิมานิ มหาราช เคหนิสฺสิตานิ โสมสิสานิ ฉ
เนกฺขมฺมนิสฺสิตานิ โสมสนฺสานิ ฉ เคหนิสฺสิตานิ โทมนสฺสานิ ฉ เนกฺขมฺมนิสฺสิตานิ
โทมนสฺสานิ ฉ เคหนิสฺสิตานิ อุเปกฺขานิ ฉ เนกฺขมฺมนิสฺสิตานิ อุเปกฺขานีติ อิมานิ ฉฉกานิ
อตีตา จ ฉตฺตึสวิธา เวทนา อนาคเต ฉตฺตึสวิธา เวทนา ปจฺจุปฺปนฺนา ฉตฺตึสวิธา เวทนา